पोलिसांना समोर बघून गार्गीच्या पोटात आणखी जोराची कळ आली. पण श्याम मात्र पूर्णपणे नॉर्मल होता,
“Yes सर,” श्याम
“इरफान सैद ची त्याच्याच घरी हत्या झालेली आहे. आणि जेव्हा हत्या झाली होती त्यावेळी त्याच बिल्डिंग मध्ये तुम्ही उपस्थित होता. म्हणून तुम्हाला चौकशी साठी आम्च्या बरोबर यावे लागेल.”असे म्हणून एका जेन्टस पोलिसाने श्याम च्या हाताला धरून आणि महिला पोलिसांनी गार्गी च्या हाताला धरून एका केबिन मध्ये घेऊन गेले.
“कोण इरफान सैद ?” श्याम गोंधळून पुढे म्हणाला,” मी आणि हि गार्गी दोघेही आमचा मित्र झाएद चा निकाह ला आलो होतो. पण अचानक हिचे पोट दुखायला लागले म्हणून आम्ही निघालो.”
पोलिसांनी त्याच्या बाजूला बसलेल्या गार्गी कडे बघितले. गार्गीचे पोट दुखत असल्यामुळे ती काहीच बोलू शकत नव्हती. ती टेबल वर डोके ठेऊन पडून राहिली. पोलिसांनी तिचे चेकअप करण्यासाठी डॉक्टर ला बोलावले. तसेच दोघांचे फोन पण ताब्यात घेतले आणि चेक करायला सुरुवात केली. पण श्याम ने अगोदरच सावधगिरीने फोन मध्ये तिथल्या गुप्तहेराने पाठवलेले सगळे मेसेजेस, त्याचा फोन नम्बर डिलिट केला होता. पण इरफान सैद ला मारताना एक बटन कॅमेरा शूट करण्यासाठी लावला होता त्यातील शूटिंग इंडिया मध्ये त्याच्या विश्वासू लोकांना फॉरवर्ड करून तो कॅमेरा देखील फेकून दिला होता. तसेच गार्गीच्या फोन मधील cctv हॅक करण्याचे अँप सुद्धा त्याने गार्गी ला डिलिट करायला सांगितले होते.
” गार्गीला पोटदुखीचा त्रास पहिल्यापासून आहे. इंडिया मध्ये एका डॉक्टर कडे तिची ट्रीटमेंट चालू आहे. माझ्या कडे त्यांचे प्रिस्क्रिप्शन पण आहे आणि औषधे पण आहेत.. हे बघा ” असे म्हणून श्याम ने प्रिस्क्रिप्शन आणि औषधे दाखवली. पोलिसांनी ते दोनीही चेक केले प्रिस्क्रिप्शन आणि औषधे अस्सल असल्याची खात्री करून घेतली. तसेच गार्गीला डॉक्टरांनी चेक केल्या नंतर तिचे पोट खरोखरीच दुखत असल्याचे सांगितले. त्यामुळे पोलिसांची पण खात्री पटली. आणि त्यांनी दोघांनाही फ्लाईट वर जायची परवानगी दिली.
गार्गीची पोटदुखी खूपच वाढल्यामुळे डॉक्टरांनी तिला पेनकिलर चे इंजेक्शन लावले आणि फ्लाईट पर्यंत एका व्हील चेअर वर बसवून सोडले.
फ्लाईट मध्ये बसल्या वर गार्गी, श्याम ला म्हणाली,” हे डॉक्टरांचे प्रिस्क्रिप्शन आणि औषधे तुझ्या कडे कशी काय ?”
” ते मी अगोदरच माझ्या प्लॅन मध्ये तय्यार ठेवले होते. पोलिसांना संशय येऊ नये म्हणून आमच्या ओळखीच्या डॉक्टर कडून प्रिस्क्रिप्शन आणि औषधे तय्यार ठेवली होती. आणि सुदैवाने तुझे पोट पण खरोखरीचे दुखत आहे त्यामुळे चांगलाच फायदा झाला.” असे बोलून श्याम ने गार्गी कडे बघितले तर ती त्याच्या खांद्यावर डोके ठेवून गाढ झोपली होती. त्याचवेळी फ्लाईट ने टेक ऑफ घेतला. पण श्याम ला सारखा एक प्रश्न भेडसावत होता कि गार्गी चे अचानक असे पोट कशाने दुखायला लागले? त्याने गार्गी च्या पोटा कडे पहिले तर ते खूपच फुगले होते. कदाचित हि गरोदर तर नसेल ? या कल्पनेने श्याम मनातल्या मनात खूप सुखावला होता. आणि त्या विचारातच केव्हा झोप लागली हे त्याचे त्याला कळले नाही.
फ्लाईट लँड झाल्यावर श्याम ला जाग आली गार्गी ने पेन किलर घेतल्या मुळे ती गाढ झोपली होती. श्याम ने तिच्या तोंडा वर पाणी शिंपडले. त्यामुळे ती लगेच उठली. कॅब मध्ये बसल्या वर श्याम ला ऑफिस मधून फोन आला,” अभिनंदन,श्याम एवढी कठीण कामगिरी तुम्ही दोघांनी करून दाखवली. आत्ता तुम्ही दोघे सरळ ऑफिस मध्ये या. तुमच्या दोघांच्या अभिनंदना साठी इथे खास पार्टी ठेवली आहे.”
” सॉरी , पण आम्ही लगेच ऑफिस मध्ये येऊ शकणार नाही. गार्गी चे पोट खूप दुखत आहे.”श्याम.
” आता कशाला हि नाटक करत आहेस आता तू ? तूम्ही दोघे तर आता भारतात सुरक्षित आला आहात.”
“What nonsense , गार्गी चे पोट खरोखरीच खूप दुखत आहे.तिला मी पहिले डॉक्टर कडे घेऊन जात आहे.” श्याम जोरात ओरडून बोलला.
“Ok , सॉरी मग आज ऑफिस मध्ये येणार आहेस का ?”
” गार्गीला डॉक्टर कडे दाखवून झाल्या वर दुपार पर्यंत येईन.”श्याम.
तो पर्यंत त्यांची कॅब gynecologist कृतिका भावे च्या क्लिनिक जवळ थांबली. श्याम गार्गी च्या दोन्ही खांद्याला पकडून आधार देऊन डॉक्टर च्या केबिन मध्ये घेऊन गेला. डॉक्टर कृतिका भावे ६० वर्षाच्या जेष्ठ डॉक्टर होत्या त्यांनी गार्गी ला चेक केल्या नंतर खुर्ची वर बसून बोलल्या,”मी तुमची पोटदुखी थांबण्या साठी काही गोळ्या आणि औषधे लिहून देत आहे. तसेच शेजारच्या पॅथॉलॉजी मध्ये जाऊन सोनोग्राफी करून घ्या. त्या सोनोग्राफी रिपोर्ट वरून निदान करता येईल कि तुमचे पोट कशा मूळे दुखत आहे ते. तो पर्यंत आजचा दिवस औषध आणि गोळ्या घेऊन आराम करा. “
डॉक्टर नि सांगितल्या प्रमाणे श्याम गार्गीला घेऊन पॅथॉलॉजी मध्ये गेला तिथे गार्गी ची सोनोग्राफी झाल्या नंतर. त्या दोघांनी हॉटेल मध्ये जेवण केले आणि त्यानंतर गार्गी ने गोळ्या घेतल्या. त्या नंतर श्याम गार्गी बरोबर तिच्या रूम वर जाऊन तिला बेड वरती झोपवले. आणि जायला निघणार होता तेव्हा गार्गी ने श्याम चा हात धरला आणि म्हणाली,” थँक्स अ लॉट ,श्याम.”
“शट अप , यात थँक्स बोलण्या सारखे काय आहे. तू आज चांगला आराम कर. संध्याकाळी मी तुझा सोनोग्राफी रिपोर्ट घेऊन येईन. मग आपण दोघे हि डॉक्टरकडे जाऊ या.”श्याम गार्गी चा हात पकडून त्या वर थोपटून म्हणाला.
” मला आता बर वाटत आहे. मी एकटीच सोनोग्राफी रिपोर्ट घेऊन डॉक्टर कडे जाईन. तू ऑफिस ला जा आणि तिथले काम आटोपून तुझ्या रूम वर जाऊन आराम कर. माझ्या मूळे तुला खूप त्रास झाला.” गार्गी.
” ते काही मी तुझे ऐकणार नाही. मी स्वतः तुझे सोनोग्राफी रिपोर्ट कलेक्ट करून डॉक्टर कडे घेऊन जाईन.”असे म्हणून श्याम तिथून निघून गेला. गार्गी त्याला थांबवून बोलणार होती पण तेवढ्यात श्याम रूम चा दरवाजा बंद करून निघून गेला.मग गार्गी पण शांत पणे बेड वर झोपून राहिली.
ऑफिस मध्ये गेल्या वर श्याम वर प्रत्येक जण अभिनंदनाचा वर्षाव करीत होते. कोणी त्याला पुष्पगुच्छ देत होते तर कोणी ग्रीटिंग देत होते. कोणी त्याच्या तोंडात मिठाई भरवत होते. त्या बरोबर श्याम डेस्कटॉप वरती त्याने दुबईमध्ये केलेल्या एन्काऊंटर चा रिपोर्ट बनवत होता.
पण त्याच्या मनात मात्र एकाच प्रश्नाचे उत्तर जाणून घेण्याची उत्सुकता होती ती म्हणजे गार्गीचे पोट कशामुळे दुखत होते आणि कशामुळे फुगले होते? त्याला सारखी प्रेग्नन्सी ची शंका येत होती. पण जर प्रेग्नन्सी पॉझिटिव्ह असती तर त्या लेडी डॉक्टर ने सोनोग्राफी करायला सांगितली नसती तसेच सांगितले असते. मग नक्की काय कारण असेल ? ते जाणून घेण्या साठी त्याने रिपोर्ट बनवत असताना डेस्कटॉप वरती आणखी एक दुसरी विंडो ओपन केली होती. आणि पोटदुखी ची काय कारणे आहेत?आणि पोट फुगण्याचे काय कारण आहेत ?हे प्रश्न गूगल सर्च मध्ये टाईप केले होते.
“अभिनंदन,श्यामराव साहेब ,” अचानक आलोक त्याच्या जवळ येऊन त्याच्याशी हस्तांदोलन करून म्हणाला. ” रिपोर्ट तयार झाला कि मला फॉरवर्ड कर मी हेड ऑफिस ला पाठवून तुझ्या बढतीची शिफारस करेन. “
“अरे अलोकसाहेब, धन्यवाद, तुम्ही इथे बसा मला तुमच्याशी महत्वाचे बोलायचे आहे.” श्याम अलोकला बाजूच्या खुर्ची वर बसवून पुढे बोलला,”अलोकसाहेब, गार्गी ची तब्येत ठीक नाहीये.”
“हो माहित आहे. या मिशन मध्ये ती पण तुझ्या बरोबर होती. तुझ्या रिपोर्ट मध्ये तिचे नाव पण टाईप कर. याचे जे बक्षीस मिळेल त्याचे ५०% तिच्या बरोबर शेअर कर.” अलोक.
” हो नक्कीच, पण तुम्हाला दुसरे काही तरी विचारायचे आहे. “श्याम.
“दुसरे काहीतरी ? हा विचार ना .”अलोक
” गार्गी चे पोट दुखत आहे आणि तिचे पोट पण वाढलेले दिसत आहे. हि सगळी काय गरोदर पणाची लक्षणे आहेत का ?”श्याम.
“काय ?” अलोक वैतागून ओरडला,”तू मला असले कसले प्रश्न विचारत असतोस रे? मी काय गायनॉकॉलॉजिस्ट आहे का ?”अलोक
“पण,तुम्हला २ मुले आहेत ना. तुम्ही अनुभवी आहात म्हणून विचारले.” श्याम.
“आरे माझी २ मुले माझ्या बायकोच्या पोटी जन्माला आली आहेत. आणि ती दोघेही १०/१२ वर्षाची आहेत. मला आता काही आठवत नाही कि त्यांच्या जन्माच्या अगोदर माझ्या बायकोला काय लक्षणे होती. आणि तू तिला डॉक्टर कडे घेऊन गेला होतास ना ?”अलोक.
” हो गेलो होतो, त्यांनी सोनोग्राफी करायला सांगितले. अजून रिपोर्ट आला नाही आहे, म्हणून उत्सुकते पोटी तुम्हाला विचारले,” श्याम मुली सारखे लाजत अलोकला म्हणाला.
“मग तो रिपोर्ट डॉक्टरला दाखवून त्यांनाच विचार. मला कशाला असले भलते-सलते प्रश्न विचारतोस.”अलोक वैतागून श्यामच्या खांद्यावर हलका फटका मारून म्हणाला.
त्याच वेळी श्याम ला गार्गी चा फोन आला,”श्याम,मी आत्ता डॉक्टर कृतिकाच्या क्लिनिक वर आहे. त्यांनी तुला त्यांच्या क्लिनिक वर बोलावले आहे. मी त्यांना सोनोग्राफी रिपोर्ट दाखवला तर त्या खूप चिडल्या होत्या आणि म्हणाल्या कि त्या तुला आणि मला दोघांशी एक्दम बोलणार आहेत.”
“पण मी तुला सांगितले होते ना कि तुझा सोनोग्राफी चा रिपोर्ट मी कलेक्ट करेन आणि आपण दोघेही जाऊ या क्लिनिक वर,काय पण तू .”श्याम चिडून बोलला.
” मी तुला सकाळीच सांगितले होते कि मला तुला त्रास द्यायचा नाहीये. म्हणून मी एकटीच रिपोर्ट घेऊन गेले तर या डॉक्टर नि तुला पण बोलावले त्या शिवाय ते मला एकटीला काही सांगणार नाहीये.” एवढे बोलून गार्गी.ने फोन ठेवला.
” अलोक साहेब गार्गी चा फोन होता. तिच्या डॉक्टर नि क्लिनिक मध्ये बोलावले. मला वाटते नक्कीच गार्गी प्रेग्नन्ट असणार म्हणून बोलावले असेल.” श्याम अत्यानंदाने डेस्कटॉप स्वीचऑफ करीत म्हणाला.
“गार्गी प्रेग्नन्ट आहे? अरे पण तुम्हा दोघांचे लग्न झाले नाहीये.”अलोक गोंधळून बोलला,
‘” हो मग काय झाले. तिच्याशी लग्न करेन आणि तिच्या मुलाला स्वीकारेन.”हे बोलून श्याम बाहेर जातच होता पण अलोक त्याला अडवून म्हणाला.,”अरे पण हा रिपोर्ट तरी कंप्लिट कर. म्हणजे मी हेड ऑफिस ला आत्ता लगेच फॉरवर्ड करेन. “
“उद्या कंप्लिट करतो आणि देतो तुम्हाला,” असे बोलून श्याम ऑफिस च्या बाहेर पळाला.
हे बघून अलोक कपाळाला हात मारून खुर्ची मध्ये बसून मनातल्या-मनात विचार करू लागला- काय पण हि आज-काल ची मुलं. उघडपणे लग्न न करता शारीरिक सम्बन्ध जोडतात आणि त्यातून होणाऱ्या अपत्यांना पण सहजपणे स्वीकारतात. अशाने एक दिवस लग्नसंस्थेचा सर्वनाश होईल.
क्लिनिक ला बाईक नें जात असताना वाटेत श्याम मनातल्या-मनात विचार करू लागला, डॉक्टर ने आपल्याला क्लिनिक मध्ये बोलावले आहे म्हणजे ९०टक्के शक्यता असेल, गार्गी प्रेग्नन्ट असावी. मग मी तिला सांगेन कि तिच्या बाळाचा मी स्वीकार करेन मी तिच्याशी लग्न करेन. हा विचार करीत असताना श्याम ला एक आलिशान कॉम्प्लेक्स दिसले त्या कॉम्प्लेक्स च्या १५ व्या मजल्या वर श्याम ने काही महिन्या पूर्वी एक २ बेडरूम चा फ्लॅट बुक केला होता.ते कॉम्प्लेक्स अजून बांधकामाधीन होती. तरी ७०% काम झाले होते पुढच्या १/२ महिन्यात त्याचे उर्वरित बांधकाम पूर्ण होणार होते. बांधकाम पूर्ण झाल्या नंतर श्याम ने ठरवले होते कि गार्गी बरोबर तिथे रहायला जायचे. आणि आता जर का ती प्रेग्नन्ट असेल तर गार्गी आणि श्याम बरोबर एक नवीन फॅमिली मेम्बर येईल. या विचारानेच श्याम रोमांचित झाला. त्याच्या बाजूला एक इंटरनॅशनल युनिव्हर्सिटी ची आधुनिक सुविधांनी युक्त अशी एक शाळा होती, आपल्या बाळाला आपण त्या शाळेतच ऍडमिशन द्यायची . आपल्या बाळासाठी किती चांगले होईल शाळेत येण्या जाण्याचा त्याचा वेळ वाचेल. त्याच वेळेत आपले बाळ मस्त गार्डन मध्ये खेळेल. कॉम्प्लेक्स च्या स्विमिंग पूल मध्ये स्विमिंग शिकेल. या सुख स्वप्नांनी श्यामच्या चेहऱ्यावर स्मितहास्य आले. तिथेच त्याला मिठाईचे दुकान दिसले. श्याम ने तिथून थोडीशी मिठाई खरेदी केली. आणि बाईक वर बसून क्लिनिक च्या दिशेने गेला…
(क्रमशः)
You can read more virginity in marathi
You can read more about
